Cuncursu progetos “Rocce rosse”: su binchidore est Luca Peralta
Su 22 de onniasantu a is 16.00, in is locales de s’istatzione marìtima de Àrbatax at a èssere aparitzada una mustra de is progetos fatos pro su cuncursu pro sa recalificatzione de su pratzale de is Pedras Rùbias, o Rocce
Su 22 de onniasantu a is 16.00, in is locales de s’istatzione marìtima de Àrbatax at a èssere aparitzada una mustra de is progetos fatos pro su cuncursu pro sa recalificatzione de su pratzale de is Pedras Rùbias, o Rocce Rosse, bandidu dae s’Assessoradu de is Traballos Pùblicos de sa Comuna de Tortolì. S’amministratzione comunale de Tortolì-Àrbatax, in paris cun su Sìndigu Mimmo Lerede ant a presentare is binchidores de su cuncursu chi at bidu sa partetzipatzione de 72 cuncurrentes e at interessadu istùdios professionales de medas logos de Sardigna e de Itàlia.
In is dies coladas su giornale econòmicu “Il Sole 24 ore” in s’insertu “Progetti e Concorsi “ at publicadu su nùmene de su binchidore, s’ingenneri Luca Peralta, (nàschidu in Carbònia, 41 annos), in paris a Giovanni Dessì e Franco Niffoi chi, cun is istudiantes de sa Penn State University de Roma, s’ant agiudicadu su prèmiu de 12 mìgia èuros. Grandu satisfatzione de s’Assessore de is Traballos Pùblicos de Tortolì Paolo Stochino : “Una resèssida chi ponet a notu s’importu chi Àrbatax tenet- at nadu s’assessore- a su puntu chi podet finas èssere cunsiderada su sìmbulu turìsticu de s’Ogiastra intrea!”. Is tzitadinos chi ant a leare parte a sa mustra de is progetos ant a pòdere espressare su pàrrere issoro subra is òperas in cuncursu.
© RIPRODUZIONE RISERVATA
