A sa fine de s’istade 2013 sunt tres is butegas noas chi ant abertu in su caminu de s’“Orientale sarda”: sa butega de fruta e berdura de Daniele e Massimo, duos pitzocos de Tortolì; sa cartoleria de Francesca e Lidia, duas istudiantes de trinta annos, finantziada cun su programma “Fondo Sociale Europeo POR FSE 2007-2013”; s’osteria “Caffè Baunei Centro” de Maria Grazia e Vincenzo.
Si tratat de tres esertzìtzios cummertziales noos chi ant a èssere de profetu pro is baunesos etotu ma finas pro is istràngios chi cada istade bìsitant sa bidda de “su Sterru”. Tando, unu signale bonu e unu messàgiu de ispetu bonu in custu perìodu de crisi e de dificultade econòmica.