In su coro de s’Ogiasta, in Àrthana, sàbadu 9 de onniasantu ddoe est istadu unu eventu de grandu importu culturale: su “Porcino d’Oro”, sa de binti editziones de sa sagra totu dedicada a su cardulinu sìmbulu de sa bidda de Àrthana, est a nàrrere su bulleto, o porchinu. Sa pratza printzipale de sa bidda, Pratza Roma, at ospitadu pro s’ocasione mìgias de turistas chi ant pòdidu tastare totu is produtos de sa gastronomia locale espostos in is bancarellas.
Sa manifestatzione est istada presentada dae su presentatore Giulianu Marongiu, acumpangiadu dae is cantantes Maria Giovanna Cherchi e Stefania Sistu e su sonadore de launeddas Roberto Tangianu. Una parte de sa serada est istada dedicada peri a sa moda de is maistros de pannu e de is istilistas sardos.