Sardigna, partint sos iscontos de s’istiu su 5 de triulas: ma medas ant giai ispesu, paritzas offertas anticipadas.

Fintzas in Sardigna est tottu prontu po sa partentzia uffitziale de sos iscontos de s’istiu, chi ant a partire sapadu 5 de triulas e ant a durare 60 dies. Ma, comente evidentziat Confesercenti, medas cossumadores de s’isula no ant ispettadu s’incumintzu prevedidu: sas offertas anticipadas ant giai attiradu unu numeru mannu de comporadores, consumande unu terzu de sos affares totales chi s’istimant po sos saldos de s’istiu.

Secundu sos datos natzionales, in tottu s’Italia sunt gia bistados ispesos 700 miliones de euros, cunfrontandelu a unu giru de affares chi si prevedid de tres miliardos(narat su Codacons). In Sardigna, s’inclinu no est divressu: paritzos tzittadinos ant leadu s’occasione de sos abbasciamentos chi sunt giai presentes in sas buttegas, cun d’una ispesa media de pius de 100 euros po pessone.

“S’istagione de sos iscontos est giai partida- narat Confesercenti- gratzias a una campagna promotzionale cadria, in parte fintzas fatta online, chi at interessadu pius de sa medade de sos italianos”. Su 52% de sos affinadores at giai retzidu offertas, ma solu su 18% at comporadu. Unu 34% at detzisu de ispettare e de no nde approfittare, mentres su 45% chi addurat decrarat de no aere ancora retzidu nisciuna proposta de negossiu. Unu pitticcu 3% no si ammentat si li sunt arrivadas offertas.

In Sardigna, intre zentros de Negossiu e attividades in sos TzentrosIstoricos, sos isettos sunt artos, mescamente in sas zuras turisticas, inube su frussu de sos bisitadores diat podere espressare una ispinta importante meda po su negossiu locale. Sos campos pius importantes addurant cussos de sa bestimenta, cartazduras e atzessorios, cun isettos bonos fintzas po articulos isportivos e produttos po sa domo.

Sos mercaderis sardos, giai afferiados dae sas difficultades accolomicas post-pandemicas e dae s’inflazione,cuffidant in d’una istagione de iscontos positiva, gratzias puru a s’appellida turistica de s’isula in su coro de s’istiu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

In su coro de sa Sardigna, affundadu in sa bista ammaghiante de sa Barbagia, si acciappat unu de sos pius importantes e ammaghiantes logos archeologicos de s’isula: su Nuraghe Sant’Antine. Custu maestosu cumplessu nuragicu, chi si agattat accanta a Turarva, est una de sas testimonias pius de signifficu de sa tzivilidade nuragica, frorida in Sardigna intre su 1.800 e su 500 a. C.

Su Nuraghe Sant’Antine est intre sos pius mannos e menzus cusservados de sa Sardigna e si annoditat po s’istruttura a turre importante, fatta cun roglios mannos meda de pedra molina. Sa partigularidade sua est in sa cumplessidade sua: est difattis unu nuraghe “polilobato”, cun medas turres gameddadas dae muros fiscios e una corte intro larga meda, un bera e propria fortesa de su tempus passadu. Custa istruttura serbiat mancari po defensa ma fintzas po sa religione o controllare s’iscrocca.

In pius de sa turre printzipale, Sant’Antine presentat una retza ricca de ambientes internos, iscalas a croca, coladorzos e caminos po faghere bintrare s’aera, chi testimonzant su livellu tennicu avanzadu de sa tzivilidade nuragica. Inoghe est meda probabile chi si isboddiaiant funtziones religiosas, faghinde de su nuraghe unu tzentru importante de sa comunidade. Su situ est affundadu in d’una bista nadurale innida, circundadu dae campos e caminos antigos sticcados, chi permittint de si affundare de su tottu in s’ambiente de unu tempus attesu meda. Sa bisita a Sant’Antine est unu biazu in su tempus chi apparat un’occasione uniga po iscoperrere sas raighinas fungudas de sa Sardigna e s’inzenniu de una tzivilidade chi a dies de oe est ancora allorigada in su misteriu.

Donz’ annu, archeologos e appassionados de istoria si accattant inoghe po istudios e chircas, mentres turistas dae tottu su mundu benint a ammirare custa testimonia monumentale de s’antighidade sarda. Sant’Antine no est solu unu situ archeologicu, ma una figura de s’identidade e cultura de sa Sardigna.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22