Tres attentados cun su fogu contra 15 camion de sa regorta de s’arga in Sardigna.

Tres attentados cun su fogu ant corpadu sa notte passada sa Sardigna, pigande de mira dittas impignadas in sa regorta de s’arga tzittadina. Un’abbenimentu chi assustat e chi at iscuttinadu in manera funguda sas comunidades locales e chi paret siat bistadu fattu a s’apposta. So attaccos, chi bi sunt bistados in tempos curtzos, ant interessadu duos divressos logos de s’Isula: su Nugoreu e su Sulcis Iglesiente. In tottu, sunt bistados destruidos o avariados meda, 15 camions, impittados donzi die po garantire sa regorta de s’arga.

Su primu est sutzessu pagu prima de s’una de notte in su logu industriale de Orgosolo, in su coro de sa Barbagia. Sos vigiles de su fogu de Nugoro sunt teppidos intervennere supra sa carrela provinciale 58, inube, in sa pratza de una ditta chi regollet s’arga, unu fogu at devastadu 7 camions.

Sas frammas, artas meda e chi si podiant biere a kilometros de distantzia, and dimandadu un’interventu longu e cumplicadu dae parte de sos succurridores. Su secundu fogu, devastante su mattessi, est bistadu signaladu pagu
prima de sas sese de manzanu in sa carrela provintziale Artzana-Lanusè. Puru custa borta, chimbe camions che sunt finidos inchisinados.

Su terzu accadessimentuest est capitadu in Iglesias in sa parte sud- occidentale de s’Isula, inube sas frammas ant imboligadu tres camions chi serbiant po regollere s’arga. Su fogu, iscoppiadu in sas primas oras de su manzanu, at fattu affuscare meda sos chi istant in cussu logu, ischidados dae su traccheddu de sas frammas e dae su fragu aspru de su fumu.

Fintzas in custu casu, sos dannos sunt mannos meda. Sas autoridades pensant chi sos tres abbenimentos siant tottu postos apposta, bida fintzas sa manera chi est bistada impittada e su tempus de sos attaccos. Supra tottas tres custos accadessimentos sunt scruccullande sos carabinneris, chi ant giai cuviadu sos rilievos tennicos e ant regortu sas primas testimonias.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22