S’iscrittora mantovana Daniela Raimondi at binchidu su Premiu Giulio Angioni 2024 cun su romanzu “Su primu sole de s’istiu”, a sa fine de una cumpetissione chi l’at bida interprete de una finale chi at appassionadu meda. Su riconnoschimentu de grandesa li est bistadu dadu a su Festival de s’Atterue, chi si est fattu in Guasila dae su 25 a su 27 de santuAini.

Su festival, dedicatu a sa mamoria de Giulio Angioni, antropologo tzelebre e fintzas iscrittore sardu, at apparizzadu tres dies de addobios letterarios, letturas, ispettaculos de musica e addobios cun figuras importantes de su mundu de sa litteradura, de sa saggistica e de su giornalismu. Raimondi at retzidu su premiu in su mentres de sa tzerimonia de concruida, leandesiche a domo unu riconnoschimentu de archida po un’opera chi iscumbattat cun indilighesa sos temas de sa memoria e de sas raighinas de sa familia.

Imparis ,cun issa, su Festival de s’Atterue at premiadu atteras personalidades importantes. Po sa “Saggistica” su premiu est andadu a Adriano Favole, antropologu e proffessore a s’Universidade de Torino, cun su libru “La via selvatica”.

Istorias de umanos e no umanos, un’opera chi reflettet supra sos ligonzos intre sos umanos e s’ambiente naturale, iscumbattande tottu su chi cumportat su cunfrontu intre omine e natura. In sa setzione Poesia, su premiu est bistadu dadu a Emilio Nigro, chi at iscrittu in manera cadria e originale e chi dae annos si annoddittat in sa bista poetica natzionale.

Unu momentu istravanadu de sa serana est bistadu cussu de s’intregu de su Premiu a sa carriera a su giornalistu e iscrittore Giacomo Mameli, accollidu cun caentesa e cummossione dae su pubbricu. Mameli at cundivididu ammentos e contos, contande su ligonzu fungudu chi lu zunghiat a Giulio Angioni, un’amigantzia chi si fundaiat supra sa passione insoro po sa Sardigna e s’identidade culturale sua. Accanta a custu pensamentu importante, est bistada premiada fintzas Geppi Cucciari cun s’intregu de su Premiu Istravanadu de su Festival po su contribbudu suo a su mundu de s’ispettaculu e po aere favoressidu sa cultura de sa Sardigna a livellu natzionale.

Sau Cunsizzu de sos Bidustos si at a occupare de faghere connoschere sas attividades sotzioculturales, de accottu a sa comunidade e sa creassione de logos de cunfrontu de sas ingendras.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22