Numeros positivos po sa Summer 2024 de s’Aeroportu de Casteddu, cun 81 deretturas, divisas in 33 natzionales e 48 internatzionales, 20 cumpanzias aereas e 68 destinatziones, po una summa de 19 istados collegados: dae Abrile a Triulas sos passezzeris passados in su printzipale aeroportu sardu sunt bistados prus de 2.000.000 in mesu de bennidas e tuccadas.

Triulas at passadu sos 600.000 commente passezzeris, binchinde de casi 31.600 unidades(+5,1%) sos numeros de triulas ’23 e istabilinde un’atteru record. Cun sos numeros registrados in aprile(serradu cun 419.742 b chi ant seperadu s’aeroportu de Casteddu in triulas che giughent a 2.109.868 sos passezzeris de custa prima parte de istiu.

Sos datos de bennarzu-triulas 2024 de s’aeroportu casteddaju sinzant 2.890.747 passezzeris intottu, po una creschida in cunfrontu a sa mattessi simana de su 2023 de su 7%. Su risurtadu est bistadu alcansadu gratzias a sas destinassiones natzionales(+6,2% de biazadores annu supra de annu) e internatzionales (+9,3%). Fabio Mereu, amministradore de sa Sogaer de Casteddu, at declaradu:”Sos numeros non incorazant a pensare chi s’istiu si at a tancare cun d’una creschida e at a battire risurtados positivos meda supra de su trafficu de sos passezzeris de tottu su 2024.

Deo ispero chi tottu su sistema de su turismu regionale, potat tennere benefissios in manera reale de s’aumentu de sos biazadores de su mesudie de sa Sardigna.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Unu babbu in Siliqua, at fattu un’attu istravanadu, seperande de perdonare su fizu de bindighi annos in daenanti de tottus, chi lu aiat abbulteddadu a su tzrugu in d’una briga intro de sa macchina. S’accadessimentu tragicu est capitadu po unu momentu de tesone in famiglia, chi est finidu cun d’una reatzione fogosa de su zovanu, ma cussu chi at fartadu de pius est bistada sa reatzione de su babbu.

Cun d’unu post supra de Facebook, s’omine at cherfidu cundividere non solu su dolore fisicu e s’emossione po s’affraccada, ma mescamente su sentimentu de amargura profunda po s’assentzia de su fizu, espressande cun paraulas chi toccant su coro s’attibbitzione sua e su disizzu de appaghiamentu.

“Mi faghet pius male chi tu non che sias de cussu chi mi as fattu”, at iscrittu su babbu, cun d’unu limbazzu simple ma prenu de emossione. Su riferimentu a s’assentzia de su fizu reflettet unu dolore pius fungudu cunfrontadu a sa ferida fisica: sa distantzia e su de aere isfassadu sue de essere in bonas cun su fizu. Luego pustis de s’affraccada, s’omine che lu aiant leadu in presse meda a s’ispidale, inube aiat deppidu essere operadu po sa ferida a su tzrugu. Bell’e gai, mancari s’arriscu e sa sufferentzia fisica, su babbu at seperadu de no si cuncentrare supra sa violentzia, ma pius supra de s’amore.

In sa dichiara sua, prena de affettu e perdonu, s’omine at fintzas cherfidu evidentziare chi, cale si siat cosa esseret accadessida, issu tiat essere adduradu accanta a su fizu. “Bellecchì tottu su chi est sutzessu, appo essere semper cun tegus”, at promittidu, in d’unu sinzale craru de dedissione dae parte de unu babbu e de amore chentza limides. Su perdonu offertu no est solu un’attu de attibbitzione, ma unu imbidu a tappulare unu ligonzu segadu, a torrare a tennere una relata chi, mancari s’attu drammatigu, s’omine creet potat essere recuberada. In su nuntzu pubbricu, su babbu faghet cumprendere de disizzare abberu de binchere su chi est sutzessu e de podere torrare a abbratzare su fizu.

“As a biere chi ammos torrare a nos addobbiare”, iscriet, cun d’una promissa chi andat addia su perdonu de su momentu, indittande unu tempus benidore in su cale babbu e fizu si potant appaghiare e sanare imparis dae sas feridas, non solu fisicas ma fintzas de s’emossione. Custu nuntzu est prenu de una voluntade forte meda de torrare a fraigare e de non si dassare distruere dae su dolore.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22