Unu contribbudu a cussos artistas chi ant ischidu acciappare e torrare a interpretare sos misteros de sos bisajos de sa Sardigna, ghettandelos in su presente cun musicas e paraulas ammaghiantes: est “Umbras, sonos fora de sa Sardigna iscura” su mini festival ordiminzadu dae s’assotziu Terra Atra, chi est arribadu a sa prima edissione.

Sa serana at essere incumintzada dae sos Hermetic Brotherhood of Lux- Or, chi arribant dae Macumere. Sa cropa chi est frommada dae Mirko Santoru e Laura Dem, at apparare s’urtimu album insoro “Ohr”, chi est cussideradu pius un’iscumbattamentu de istudiu de s’omine chi un’istudiu de musica.

Su tribagliu insoro, si distinghet po s’intentu de bogare a pizzu istorias ismentigadas de sa cultura sarda, una terra, sa nostra, assuppada de istorias e misteros. Sa secunda truppa at essere Ilienses, unu disignu de Mauro Tedde e Natascia Talloru. Sa musica isperimentale insoro ponet impare istrumentos de oe e de su passadu de sa Sardigna, meda de sos cales benint usados in sos momentos de su connottu in su tempus de Carrasegare sardu.Ilienses tirant ispirassione dae s’istoria, dae sos sonos de su connottu, dae sa limba locale, dae sos poetas sardos e dae sa sapidoria de sos betzos.

A serrare sa serana at essere Dalila Kayros, impare a su musicista elettronicu Danilo Casti. Sa musica insoro binchet sos limides de sas zenias musicales, iscumbattande donzi die iscroccas novas. S’elettronica avantzada insoro, posta impare cun sa boghe, creat un’ecchilibriu retzelu de su chi est beru e de su chi est bisadore.

Custu festival mustrat un’occasione unica po si affundare in sos sonos e istorias de sa Sardigna, apparande una serana de isperimentatzione de musica e de arte chi collegat su passadu cun su presente. “Umbras” no est solu unu festival musicale, ma unu beru abbenimentu culturale chi tzelebrat sa ricchesa de su connottu de sa Sardigna, interpretada in manera moderna. Sos artista chi ant partetzipadu, cun sos bischidos e cuntattos insoro, apparant unu claru de sos sonos pintadu e ammaghiosu, in su cale donzi mustrada diventat unu tasseddu de unu musaigu pius
mannu, cussu de sa cultura sarda bida po mesu de s’isprigu de su tempus de oe.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22