A pustis de oras de iscavos, fintzas su corpus de Guglielmo Zedda, maridu de Marilena Ibba, sa fèmina morta a pustis de s’esplosione de una domo in Tiana  est istadu agatadu sena vida de sos Vìgiles de su fogu. Sos duos còjubes- issa responsàbile de una domo pro betzos e ex assessora comunale, issu dipendente de s’Enel- sunt mortos in su sonnu. A causare s’iscòpiu diat èssere istada una pèrdida gas. Imbetzes sun subravìvidos a sa disaura, mancari siant in cunditziones graves, sos babbos de sa fèmina, Eugenia Madeddu, de 83 annos, e su maridu Edoardo Ibba, ex carabineri in pensione de 90 annos chi sunt sunt ricoverados.

“Semus corfidos e tristos pro custa tragèdia chi at corfidu una  famìlia intrea e sa comunidade de Tiana”, sas at naradu presidente de su Cussìgiu regionale sardu, Michele Pais, chi at fatu is condulèntzias sua e  fintzas a nùmene de s’assemblea, a sa famìlia de sas vìtimas, a su sìndigu de Tiana e a totu sa comunidade. “Dae in antis fatos comente a custu- at agiuntu Pais- s’abarrat sena faeddos”.

Duncas sos còjubes de Tiana , in provìntzia de Nùgoro, sun tistados agatados mortos. De sa domo bifamiliare in bia Natzionale, non nd’at coigiadu nudda. Su fatu est acontèssidu pro more de un’esplosione causada dae una fua de gas. Issa – ex assessora de 55 annos – bogada pro prima dae suta sas murosinas de sa domo, issu, 59 nnos dipendente de sa Tim, est istadu agatadu calicuna ora a pustis.

In torale sunt intervènnidos 75 vìgiles de su fogu bènnidos de sas sedes de Sòrgunu, Nùgoro, Lanusè, Abbasanta, Mandas. A custas iscuadras sunt istados acostagiados sos repartos de s’Usar (urban search and rescue), movimentu terra, drones, Tas coordinados dae sos Funtzionàrios de su Cumandu de Nùgoro e dae su Cumandante de sos VVF de Nùgoro Antonio Giordano.

“Progetu finantziadu cun s’Avisu Pùblicu IMPRENTAS annualidade 2021-2022”

Claudio Ranieri est bistadu nomenadu Allenadore Gentleman de sa serie B 2022/2023 in onore de Gigi Simoni, retzinde su titulu gratzias a sas prefferentzias espressadas dae sos vinti allenadores de sa serie BKT. Custu riconnoschimentu arribat pustis de aere giai binchidu su premiu duos annos faghede, pigande su testimonzu dae Stefano Pioli, chi aiat binchidu s’annu prima.

S’integru de su premiu si est tentu in Milano, inube Ranieri at retzidu sa Torretta de San Siro, simbulu de unu premiu chi tzelebrat sos balores beros de su giogu de sa botza, in mesu de su cale, su Fair Play, chi s’allenadore de su Casteddu incarnat in manera tipu.

S’ordiminzu de su Premiu Gentleman, ideadu dae Gianfranco Fasan, cun s’azzudu de sa Lega Serie B, at bidu sa presentzia de sa famiglia de Gigi Simoni, paris a amigos e gasetteris comente Luca Tronchetti e Alberto Cerruti, e de su presidente de su Coni CRL Marco Riva.

Ranieri at espressadu s’ingraenzu sou retzinde su premiu a nomene de Gigi Simoni, deffinindelu un’omine mannu e evidentziande s’importantzia de su Fair Play in su giogu de sa botza e in s’isport in generale. Su presidente de sa Lega B, Mauro Balata,at bantadu Ranieri commente una figura istravanada de su giogu de sa botza in Italia, evidentziande su rolu sou de puntu de relata po sos giogadores e allenadores zovanos,tambene comente isparghidore de sos menzus balores isportivos.

Su premiu est bistadu dadu a Ranieri non solu po su sutzessu battinde su Casteddu in Serie A, ma mescamente po sa lessione de isportividade in sa finale Play off, inube at dimandadu a sos tiffosos suos de nde la finire cun sos allolojos e de tzacullimanare sos tiffosos de su Bari, mustrande rispettu mannu po sos ribales e favoressende s’isportividade in mesu de sas duas isquadras. Custu attua at corpadu tottu sos allenadores de sa Serie B, chi l’ ant premiadu commente su chi meritaiat de piusu in s’annu 2022/2023.

Gianfranco Fasan, s’ordiminzadore de su premiu, at bantadu Ranieri, non solu po custu attu de currettesa, ma puru po s’esempiu custante de lealtade e rispettu po su ribale, balores chi dant trauda positiva a su giogu de sa botza e a s’isport.

Su premiu Allenadore Gentleman “Gigi Simoni”, marcat s’incomintzu de s’edisssione numeru 29 de su Premiu Gentleman Fair Play, chi si at a tennere in s’iscola Militare Teuliè de Milano. At a presentare Massimo Caputi paris cun Laura Barriales e Giorgia Rossi, e at essere tzelebrada giobia 16 de maju e at biere s’assignadura de medas riconnoschimentos, in mesu de sos cales sos Giocadores Gentleman de sa Serie A e su premiu Gentleman Mario Morosini, dedicadu a su giogadore chi incarnat a su menzus su Fair Play in sa Lega B.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22