Si tratat de unu logu pessadu pro gestire unu momentu delicadu, agatare agiudu fitianu in un’esperièntzia difìtzile de sa vida, unu logu acanta retzire una tèndida de manu psicològicu, un’atentzione particulare a s’aspetu fìsicu e prus che totu a sa cura de sos pilos. Pròpiu pro custu in Loceri at abertu s’Assòtziu  “Alice, un angelo per capello,” gràtzias a s’Assòtziu Charlibrown, unu suportu e noa domo a sas fèminas oncològicas o chi sufrint de sa pèrdida de sos pilos pro more de sas terapias oncològicas.

Una sede chi at a èssere puntu de riferimentu pro chi tenet sa netzessidade de cumpartzire e agatare sa fortza pro sighire a curare sa bellesa de su corpus.  S’idea est cussa de abèrree una domo pro sa collida de tzirros de pilos pro ddos donare a sas fèminas chi sunt perdende sos pilos pro more de sas curas onoclògicas, pro non las fòghee  rinuntziare a sa feminilidade issoro.

Su progetu at a èssere presentadu sàbadu su 15 de santugaine 2022 in Loceri dae sos responsàbiles de s’Assòtziu Charlibrown, cun sa presèntzia de sos psicòlogos e sos mèigos chi s’òcupant de curas tumorales. A su mangianu at a èssere inaugurada sa sede de sa zona artesanale de Loceri e a smerie b’at a èssere sa cunferèntzia in sa sala cunvegnos de sa palestra debia de Eleonora d’Arborea.

S’Assòtziu de volontariadu Charlibrown est nàschidu in su 2016 at giai intregadu belle 5.000 parrucas gràtzias sa regorta de pilos in totus sa Sardigna. Custu est istadu possìbile gràtzias a sa collaboratzione cun sa Fair Fashion de Bologna, impresa chi òperat in su mundu de sos pilos dae in prus de baranta annos e chi trasformat in parrucas sos pilos chi benit regortos gràtzias a su coro de sos donatore. Su progetu si mutit aici pro ite est dedicadu a Alice, sa pisedda morta a càusa de sa leutzemia.

“Progetto finanziato con l’Avviso Pubblico IMPRENTAS annualità 2021-2022”

Sa Maniffattura de su Tabaccu de Casteddu est pronta a accasazzare dae su 16 a su 18 de Aprile, un’abbenimentu dedicadu a tzelebrare sa zura blue de sa Sardigna. Po mesu de unu disignu riccu de dibattidos, musica e attividades de coghina, s’abbenimentu chircat de iscumbattare e balorizzare sa vida longa, commente un’ istrumentu chi serbit po faghere arrivare turistas, poninde s’attentzione supra sa ricchesa de sa coghina locale, commente elementu chi siat sa crae de un’esperientzia turistica bera e chi non si potat ismentigare.

Martis 16 Aprile, sos espertos de su marketing de su turismu, de sa salude, de sa tradissione de sa coghina e de s’accolomia pubbrica, ant a discutire de commente sa vida longa si potat trasformare in d’unu beru jubilu po visitadores dae tottu su mundu, chi disizzant de iscoperrere sos segretos po una vida pius longa e sana. S’addobiu at accommettare chistiones divressas de interessiu particulare, in mesu de sas cales, s’istoria de su pane de sos chi tenent chent’annos “Kentos” de Orroli, s’esperientzia de sa cooperativa Allevatrici de Sardigna e sa pubblicidade de sos prodottos sardos in sos paisos de s’Iscandinavia.

Merculis 17 bi at essere unu laboratoriu de buttega; bi ant a partetzipare espertos de custu campu, commente Raimondo Mandis e Luigi Mundula. At a sighire una mustra de coghina cun s’azzudu de su Casteddu Calcio, inue carchi giogadore ruju e blu si at a chimentare cun sas retzettas de sa tradissione sarda, ghiados dae sos coghineris William Pitzalis e Marco Abis.

Su colominzu de s’abbenimentu at essere gioggia 18 Aprile, cun d’unu laboratoriu de buttega, dedicadu a su mandicu de s’identidade de sa Sardigna, sighidu dae unu laboratoriu de coghina, dedicatu a sa preparassione de sas minestras e de sas suppas de sa tradissione, de sas cales sos chi ant a partetzipare ant a tennere s’occasione de las assazzare paris cun sos coghineris. Sa serana, si at a congruire cun d’unu cuntzertu “Bisajos” de su musicista Gavino Murgia e cun sa partezipatzione de su mastru Luigi Lai cun sas launeddas suas.

“Chent’annos paris!” est un’occasione unica po esplorare sos segretos de sa vida longa sarda, imparande derettu dae sa tradissione de sa coghina e da sa sabidoria de chie at fattu de sa vida longa e de sa salude un’usantzia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22