Un’imprendidore tataresu de 62 annos, s’est mortu abrugiadu in s’apartamentu suo, in su caminu 20 de Predda Niedda a Tàtari. A l’agatare sena de vida, corcadu subra de su divanu, unt istados sos vìgiles de su fogu intervènnidu pro nde istudare su fogu. Sa vìtima, Marco Marcello Dussoni, istaiat in un’apartamentu subra su betzu ristorante White & Green chi fiat de propiedade de sa famìlia sua. S’iscuadra de is pompieris est istada avisada a inghìriu de is tres de merie. Sos vìgiles, intrados in sa coghina tenta in fogu, ant pigadu s’òmine e nche l’ant bogadu a foras, ma a dolu mannu pro issu non b’aiat prus nulla de fàghere. Sos vìgiles posca ant istudadu su fogu e postu in seguridade una bombola de gpl chi s’agataiat a s’internu de sa coghina. In deretura sunt lòmpidos sos òmines de su 118, sa politzia locale e sa politzia de Istadu. Pro s’ora non s’ischit si siat mortu ca at respiradu fumu mentras fiat dormidu in su divanu opuru si apat tentu unu malore in pretzedèntzia.

Comente risurtat dae su raportu de sos pompieris, difatis, s’òmine est istadu agatadu mortu, subru su divanu de s’abitatzione sua, mentras in coghina si fiat allutu su fogu. De crarire si su detzessu siat acontèssidu pro intossicatzione de monòssidu opuru si s’òmine apat tentu unu pretzedente malore.

S’allarme est iscatadu a in antis de sas 15, cando a sa tzentrale operativa de su 115 est arribbada s’avisu de unu fogu in un’abitatzione in localidade Predda Niedda. In deretura a su logu de s’intzèntziu est arribbada un’iscuadra de sos vìgiles de su fogu, sos agentes de s’Iscuadra volante e su 118.

Intrados in sa domo ant agatadu sa coghina tenta in fogu e su propietàriu de s’abitatzione, fuliadu subra de su divanu, oramai mortu. Sos vìgiles de su fogu nche l’ant bogadu deretu a s’esternu de s’abitatzione sua, ma pro s’òmine de 62 annos non b’aiat prus nulla de fàghere, s’òmine fiat giai mortu.  Subra su chi est capitadu sunt in cursu atzertamentos dae banda de sa Politzia.

“Progetu finantziadu cun s’Avisu Pùblicu IMPRENTAS annualidade 2021-2022”

Sa muda de tres marineris, isperdidos supra un’isuledda attesu meda de Pikelot, in su mare Discansosu, at attiradu s’attentzione de su mundu intreu,trasformande una situassione de perigulu, in d’una istravanada istoria de iscampu e isperantzia.

Sa battalla insoro po s’iscampu, evidentziada dae sa determina e s’addelentu, po iscriere sa paraula “Help” supra de sa rena, usande fozzas de pramma, at mustradu sa fortesa de s’omine contra sas cuntrariedades pius urtimas.

Affundados in d’una battalla contra su tempus e sas fortzas accanidas de sa natura, sos tres piscadores ant mustradu unu coraggiu istravanadu e una capatzidade de adattamentu chi non si podet creere. Arroccados in d’isuledda po pius de una chida, ant affrontadu sas isfidas de onzi die cun detzisione, pappande nughes de cocco e buffande abba de unu puttu po bivere.

S’esperientzia insoro at mustradu a su mundu intreu, sa fortza de s’ipiritu de s’omine chi si est cumparadu cun sas pius tosta de sas proas. Sa cramida est bistada isparta dae sos de sas famiglias insoro, cando non sunt torrados dae Pikelot, faghinde partire una operassione de chirca e succursu manna meda, cun sas autoridades de Guam e sas fortzas militares de sos Istados Unidos.

Gratzias a s’interventu lestru meda e a sa determina de non dassare sas chircas, sos tres marineris isperdidos sunt
bistados assebertados e sarbados, mustrande s’importantzia de sa coperassione internatzionale in casu de emergentzias.

Prima de los aere recuberados, lis ant bettadu paritzos imboligos de iscampamentu e puru una radio po los ponnere in cuntattu e si assigurare chi isterent bene. Custas cosas, mustrant sa solidariedade e s’umanidade chi podent bessire a pizzu puru in sas situassiones pius critigas, cando sa vida de atteras personas est in perigulu. Est una trauda a sa generosidade e a sa cumpassione umana daenanti de una disgrassia.

S’istoria de sos tres marineris, isperdidos supra de un’isuledda isperdida in mesu de su mare Discansosu, no est solu unu contu de iscampu, ma puru una trauda a sa fortza de s’ispirutu de s’omine e a sa capatzidade de si adattare e binchere sas cuntrariedades. Est unu ammunimentu chi nos ammentat sa debbilesa de sa vida, e s’importantzia de addurare unidos e de accordu in situassiones de apprettu.

In su mentres chi sos marineris si accorrant cun sas famiglias insoro e torrant a incumintzare sa vida de onzi die, s’esperientzia insoro, chi non si podet creere at a sighire a ispirare e tzelebrare su podere de s’isperantzia de sa fortza umana affrontande sas isfidas pius mannas de sa vida.

S’istoria insoro at addurare unu faru de isperantzia po tottu cussos chi affrontant sas difficultades, mustrande chi cun sa determina e s’unione si podent binchere puru sas isfidas piu tostas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22