S’ultramaratona Casteddu-Sàssari. Unu cantu de istòria, ismentigadu, connota fintzas comente  “Supermaratona de sos Nuraghes”, est istada  unos cantos annos un’ultramaratona frecuentada dae pionieris de s’Ultramaratona italiana e èstera: una gara pro pagos ìntimos, in sas pagas editziones suas.

Si curriat dae Casteddu a Sàssari sighende su percursu de sa betza “Carlo Felice” chi est su caminu istatale (SS131). In su tratzadu atuale (chi at abolidu medas corcovadas e sos coladòrgios medas de sos tzentros abitados, su caminu de cùrrere finas a Sàssari est de 209 km, ma – a sos tempos de sa podìstica – superaiat tzertamente sos 230 km. Ma non b’at un’acòrdiu assolutu: in unas cantas fontes atzapadas in sa retza in sas cales benit tzitada s’istòrica gara si faeddat fintzas de 250 o de 260 km (e ammentemus·nos chi cudda gara s’acumpriat in un’època pre-garmin, acanta si basaiat subra sas distàntzias ufitziales espressadas de s’ACI.

Organizada dae Coni-Fidal, sa Super maratona de sos nuraghes est istada fata pro sa primu borta in su 1984 e s’ùrtima su 15 de ladàmene 1988. Si partiat dae pratza de su Cramu de Casteddu e si lompiat a su campu Coni de Sàssari. Si trataiat de una no-stop, duncas non faghiat a firmare si non pro si infriscare, pro sos bisòngios fìsicos, pro su càmbiu de màllia e pro sos massàgios.

Organizada dae su Conos-Fidal, sa Super maratona de sos nuraghes si fiat curta sa prima borta in su mese de santugaine de su 1984 e pro s’ùrtima su 15 de santugaine de su 1988. Sa partèntzia fiat pratza de su Carmine a Casteddu e s’arribu su campu Coni de Sàssari. A sa partèntzia fiant in medas ma non totus resessiant a cumpletare su percursu; b’aiat chie faghiat petzi sa mesa maratona e chie sa 100 chilòmetros dae Casteddu a Aristanis. Si colaiat a s’internu de sos tzentros abitados, longu paesàgios incontamindos, corcovadas e pigadas iscosciosas. Non b’at in si meravigiare chi fiant  pagos cussos chi resessiant a arribbare finas a Sàssari.

Intre sos atletas podistas prus in bista in cuddu perìodu b’est àpidu s’iscotzesu-canadesu Arthur “Al” Howie; su casu suo fiat istadu emblemàticu ca, in su 1984, li fiat istadu diagnosticadu unu tumore malignu a su cherbeddu e s’aspetativa de vida fiat de pagos meses. Issu, imbetzes, aiat subravìvidu a sas previsiones de sos mèdicos e, su 15 santugaine 1988, aiat partetzipadu a sa Super Maratona de sos Nuraghes dae su cumintzu a sa fine, classifichende·si a sa de sete positziones. Sa gara podiìtica de sos primados, duncas, aiat tentu vida curtza pro more de s’impossibilidade logìstica de ofèrrere suportu fìsicu e morale adeguadu a sos curridores cun sos mèdios chi tando fiant insufitzientes.

“Progetto finanziato con l’Avviso Pubblico IMPRENTAS annualità 2021-2022”

Si est custituida in su notaju sa Delegassione po Poderare sa naschida de sa IGP porcheddu de Sardigna, e si est assemidada in manera uffitziale sa Delegassione Iscentifica, chi in sa prima assortida, fatta in Macumere, in s’agentzia de Contas, su 15 de Abrile, at tribagliadu po approntare, medas puntos de su regolamentu de produssione de custa saporitesa totta sarda.

S’intentu, preparare sos documentos chi serbint de presentare a sa Commissione Europea po alcansare su riconnoschimentu de s’arrennomini IGP e faghere naschere una delegassione chi tenzat commente faina printzipale cussa de creare un’unione de sos pastores, masellajos e sos trasformadores de s’eccellentzia sarda, chi potant ordiminzare una filera e dare unu fentomu balidu a su mercadu, po tottu cussu chi appartennet sas fases de pesadura e de trassa de sos porcheddos chi teppent andare a su mercadu.

A sa mattessi manera,bardare sa produsssione locale sarda dae su periculu de battire importassiones chentza controllu perunu, e duncas tutelare s’issida de su prodottu. Unu arminzu balidu puru po sos consumadores, chi ant podere tennere unu trattadore chi potat garantire supra su rispettu de unu regolamentu de produssione. Fases importantes meda, cussas de sa naschida de sas duas delegassiones.

Importante meda at essere sa retza de sos sardos in Italia e in su mundu: su motivu de sa presentzia in sa delegassione de Bustianinu Mossa, presidente de sa Fasi, sa retza de sos corriglios sardos in Italia.”Sos emigrados” si dant itte faghere in cust’intentu commente consumadores,sustenidores,ambasciadores, narat Mossa. Semus 2,5 miliones sos sardos fora de sa Sardigna, ispartinados in tottu su mundu.

Solu in Italia sa Fasi contat casi 30.000 iscrittos, in 68 delegassiones presentes in 12 regiones de s’Italia. Sa pius a mesudie est Ciampino. Su tzentru e su norti de s’Italia sunt su puntu de arribu menzus de operajos, pastores,sordados e istudiantes ligados in manera chi non si podet isligare dae sa cultura sarda chi prima de tottu est sa cosa de mandigare. Esist commente una venerassione de su porcheddu. E difattis partizas sunt sas initziativas chi tenent commente base custu prodottu pittitteri.

Tenimos po custu un’istruttura de negossiu de produttos de calidade funguda, a sa cale si diritzant sos sardos emigrados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22