Su pitzocu de 19 annos agurteddadu a morte dae s’ex cumpàngiu de sa mama, unu pakistanu de 19 annos mèritat pro su coràgiu suo  una medàllia a su balore tzivile. Sa proposta fiat istada fata a pustis de duas dies dae sa morte de su giòvanu dae Giorgia Meloni de Fratelli d’Italia: “Est mortu mentras cun grandu coràgiu difendende sa mama, pedimus chi li siat cuntzèdida unu reconnoschimentu pro su chi at fatu”

“Mirko est mortu mentras cun grandu coràgiu difendende sa mama Paola Piras dae s’ex cumpàngiu pakistanu. Isperemus chi siat fata chitzo giustìtzia pro custu giòvanu e chi su mortore suo la paghet cara a beru. Pro Mirko, pro su coràgiu suo, pedimus duncas chi  bèngiat cuntzèdida una medàllia dae oro a su Balore Tzivile: potzant s’esèmpiu suo e su regordu suo abarrare semper cun nois”. A fàghere sa proposta fiat istada sa presidente de Fratelli d’Italia, Giorgia Meloni. Mirko, su pitzocu de 19 annos de Tortolì, si fiat mortu pro manu de su cumpàngiu de sa mama mentras chircaiat de la difèndere.  Immoe su Comunu de Tortolì bolet cunferire a su giòvanu Mirko, mortu s’11 de maju, cussa medàllia.  Sa proposta est in una deliberatzione de su 30 de martzu publicada in su giassu de su Comunu. «S’atu acumpridu dae su giòvanu cuntzitadinu Mirko Farci, naschidu in Lanusè s’11.04.2001 e mortu in data 11.05.2021, in ocasione de s’interventu suo pro sarbare sa mama, postu in èssere in data 11.05.2021, a Tortolì — si leghet in sa deliberatzione — tenet totus sos recuisitos pro sa cuntzessione de su reconnoschimentu de su balore tzivile a sa memòria comente prevìdidu dae sa lege 13/1958 e dae su regulamentu de esecutzione relativu cunforma a su DPR 16.16/1960, sende chi at manifestadu su possessu de dodas morales mannas, comente grandu umanidade e sentidu de abnegatzione».

Sa proposta est istada botada a manera comuna dae totus sos consigieris e at a èssere trasmìtida a su ministeru de sos Internos pro cantu de cumpetèntzia sua.

 “Progetto finanziato con l’Avviso Pubblico IMPRENTAS annualità 2021-2022”

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22