Dae su 6 de mese de idas in Itàlia at a intrare a vigèntzia su Super Tzertificadu Birde.

Ma ite est e comente funtzionat? Sa tzertificatzione afortigada, comente istabilit su decretu varadu dae su Consìgiu de is ministros, est a disponimentu de chie est vatzinadu contra su Covid o de chie est sanadu dae su Coronavirus. Non corpit a chie resurtat negativu a unu tampone e tenet una durada de 9 meses imbetzes de 12.

Comente ispiegadu dae su Guvernu, su Super Tzertificadu serbit pro atzèdere a una sèrie de fainas: dae is ispetàculos a is eventos isportivos, a s’intrada in is tzilleris e ristorantes a su serradu, partetzipare a festas e atzèdere a is discotecas – in prus at a serbire fintzas in zona bianca finas a su 15 de ghennàrgiu 2022.

Su Tzertificadu birde nou serbit pro atzèdere a is setores chi semus deretos de remonare, chi pro chi non diant èssere ogetu de restritziones in zona groga.

In prus su Tzertificadu, ligadu fintzas a unu tampone negativu, benit estèndidu a is albergos, a is ispolliatojos pro s’atividade isportiva, a is trenos regionales e interregionales, a is mèdios pùblicos locales.

Is àteras mesuras sunt: afortiamentu de is controllos dae banda de is prefeturas chi devent prevìdere unu pranu provintziale pro fàghere controllos continos intro 5 dies dae s’intrada in vigore de su testu e sunt obligadas a relatare una relatzione de cada chida e a dda imbiare a su Ministeru de s’Internu e afortigamentu de sa campagna de comunicatzione in favore de sa vatzinatzione. Su guvernu in prus at assùmidu e tenet intentzione de assùmere in bia amministrativa àteras detzisiones: est giai cunsentida sa de tres doses a pustis de 5 meses dae sa segunda, at a cunsentire deretu sa de tres dose pro is minores de 40 e si autorizadas, ant a pòdere èssere aviadas campagnas vatzinales pro sa fàschia de edade 5-12 annos.

Pro su chi pertocat balidesa de is tampones, in su decretu nou abarrant uguales is castas e sa durada. Sa balidesa de sa proa negativa abarrat de 72 oras pro su molecolare e de 48 pro s’antigènicu.

Pro su chi pertocat sa mascheredda obrigatòria a s’abertu: si poderat s’elencu de is tzitades chi pro mesu de un’ordinàntzia decretant sa netzessidade de pònnere sa fatzoledda in su tzentru tzitadinu e in is logos prus afollados e cun ammuntonamentos. Tra custas fintzas Bologna e Milanu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Claudio Ranieri est bistadu nomenadu Allenadore Gentleman de sa serie B 2022/2023 in onore de Gigi Simoni, retzinde su titulu gratzias a sas prefferentzias espressadas dae sos vinti allenadores de sa serie BKT. Custu riconnoschimentu arribat pustis de aere giai binchidu su premiu duos annos faghede, pigande su testimonzu dae Stefano Pioli, chi aiat binchidu s’annu prima.

S’integru de su premiu si est tentu in Milano, inube Ranieri at retzidu sa Torretta de San Siro, simbulu de unu premiu chi tzelebrat sos balores beros de su giogu de sa botza, in mesu de su cale, su Fair Play, chi s’allenadore de su Casteddu incarnat in manera tipu.

S’ordiminzu de su Premiu Gentleman, ideadu dae Gianfranco Fasan, cun s’azzudu de sa Lega Serie B, at bidu sa presentzia de sa famiglia de Gigi Simoni, paris a amigos e gasetteris comente Luca Tronchetti e Alberto Cerruti, e de su presidente de su Coni CRL Marco Riva.

Ranieri at espressadu s’ingraenzu sou retzinde su premiu a nomene de Gigi Simoni, deffinindelu un’omine mannu e evidentziande s’importantzia de su Fair Play in su giogu de sa botza e in s’isport in generale. Su presidente de sa Lega B, Mauro Balata,at bantadu Ranieri commente una figura istravanada de su giogu de sa botza in Italia, evidentziande su rolu sou de puntu de relata po sos giogadores e allenadores zovanos,tambene comente isparghidore de sos menzus balores isportivos.

Su premiu est bistadu dadu a Ranieri non solu po su sutzessu battinde su Casteddu in Serie A, ma mescamente po sa lessione de isportividade in sa finale Play off, inube at dimandadu a sos tiffosos suos de nde la finire cun sos allolojos e de tzacullimanare sos tiffosos de su Bari, mustrande rispettu mannu po sos ribales e favoressende s’isportividade in mesu de sas duas isquadras. Custu attua at corpadu tottu sos allenadores de sa Serie B, chi l’ ant premiadu commente su chi meritaiat de piusu in s’annu 2022/2023.

Gianfranco Fasan, s’ordiminzadore de su premiu, at bantadu Ranieri, non solu po custu attu de currettesa, ma puru po s’esempiu custante de lealtade e rispettu po su ribale, balores chi dant trauda positiva a su giogu de sa botza e a s’isport.

Su premiu Allenadore Gentleman “Gigi Simoni”, marcat s’incomintzu de s’edisssione numeru 29 de su Premiu Gentleman Fair Play, chi si at a tennere in s’iscola Militare Teuliè de Milano. At a presentare Massimo Caputi paris cun Laura Barriales e Giorgia Rossi, e at essere tzelebrada giobia 16 de maju e at biere s’assignadura de medas riconnoschimentos, in mesu de sos cales sos Giocadores Gentleman de sa Serie A e su premiu Gentleman Mario Morosini, dedicadu a su giogadore chi incarnat a su menzus su Fair Play in sa Lega B.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22