Meda timoria in Sardigna, in una colònia istadiale pro unu fogu.

Su fatu est capitadu a Abbasanta acanta est partidu unu fogu perigulosu chi diat àere pòdidu tènnere cunseighèntzias mala, ma chi pro fortuna sunt istadas evitadas.

In localidade Funtana Cannas – Sant’Agostinu, sunt intervènnidos diversos elicòteros de su Corpus forestale e duos canadair mòvidos dae Terranoa e dae Ciampino, e est istadu rechertu s’interventu de un’àteru elicòteru dae sa base de Marganai.

Difatis pro mègius seguresa est istada disposta s’evacuatzione de 25 pipios de una colònia istadiale de sa zona. Comente at naradu su sìndigu Paola Carta, totus is giòvanos meda sunt istados postos in sarvu.

Semper a Funtana Cannas, est istadu evacuadu fintzas unu campu scout cun 48 persones, tra mannos e minores, pro detzisione de sa Protetzione tzivile e pompieris. S’agatat. Gasi comente su novenàriu in sa Provintziale tra Abbasanta e Santu Lussùrgiu e medas abitatziones in sa zona de Santu Agostino.

In custu momentu is fracas sunt iscudende cara a unu montigru, ispintas dae su calore e dae su bentu.

A coordinare is operatziones su D.o.s. de sa patùglia de su Corpus Forestale de Bilartzi. Operativas fintzas 7 iscuadras de Forestas, 23 iscuadras de su CFVA, comente su GAUF de Fenosu, 2 iscuadras de Aristanis Soccorso, sos barratzellos de Abbasanta, de Santu Lussùrgiu e de Norghiddu.

Oe puru àteras tres zonas sunt interessadas dae fogos, tra custas Sindia, Macumere e Bonolva. Su Cumandante de su Corpus Forestale, Antonio Casula, ispiegat chi sa situatzione est in evolutzione e totu is mezos a disponimentu sunt impinnados in totu su territòriu.

Sa Sardigna in custas dies est interessadas dae medas gogos, dae sud a nord.

Una situatzione drammàtica acanta medas padentes e buscos andant ispèrdios dae su fogu pro manu de s’òmine o pro disatentzione.

Is bulletinos de su tempus pro sa dies sbenientes non promitent nudda de bonu, cun sas autoridades prepostas chi sighint a abbarrare a s’avèrtida.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”

Is Asulos sunt is Campiones de Europa.

Custa est sa segunda vitòria de su torneu pro natziones de su continente, a pustis de cussa de su 1968 a is tempos de Fachetti, Mazzola, Riva e Rivera, giustu pro nomenare calicunu giogadore balente de tando.

Una copa chircada in su 2000 contra sa Francia e in su 2012 contra s’Ispagna, ma totu e is duas is bortas s’Itàlia at perdidu sa finale.

Non custa bia però, cun is òmins de Mancini chi sunt renèssidos a bìnchere contra s’Inghilterra a Wembley.

Una partida istragosa meda, cun sa rete marcada de is inglesos, a pustis una pariga de minutos dae su frùsciu de s’àrbitru. Difatis su terzinu Shaw, a pustis de tres minutos, at fatu gol pro more de Di Lorenzo chi no dd’at frimadu e Donnarumma no at cungiadu bene su primu palu.

Gràtzias a su vàntagiu de 1-0, is meres de domu ant istronadu s’Itàlia, chi casi pro totu su primu tempus no est renèssida a intrare in partida e a portare is òmines suos a in antis.

Pro bona sorte sua s’Itàlia at mantèsiu sa defensa, cun Chiellini e Bonucci chi no ant lassadu tretu a su capitanu inglesu Kane, semper prontu pro fàghere gol. S’allenadore Mancini s’est ispramadu candu s’est ingortu su regista de s’iscudra asula, Jorginho. Imbetzes su giogadore de su Chelsea at istrintu is dentes e est abbaradu in campu.

Su segundu tempus est istadu un’àtera partida pro sa natzionale italiana, cun Mancini chi in s’ispozadòrgiu est istadu capatzu de tocare is cordas giustas de is giogadore, chi sunt torrados in su rètangulu birde comente dimónios. Sunt serbidos is càmbios puru: cun Belotti chi est intradu a su postu de Immobile e Cristante chi at remplassadu a Barella.

Difatis ant cungiadu is inglesos in s’area issoro e a pustis de medas ocasiones, Bonucci est renèssidu a marcare sa rete de su parègiu un’atzione in mìscia.

A pustis de custu gol su resurtadu però no est cambiadu, si non cun is rigores chi ant decraradu s’iscudra binchidora.

Dae is ùndighi metros, gràtzias a Donnarumma chi at paradu duos tiros, sa Natzionale est torrada Campione de Europa a pustis de 53 annos, e in Itàlia est cumintzada sa festa.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”