Sa variante Delta de su Covid, connota comente indiana, est arribbada fintzas in nord de sa Sardigna.
Su laboratòriu de virologia de s’Aou de Tàtari at agatadu de casos suspetos e at aviadu su secuentziamentu de su virus pro èssere seguros chi siat custu tipu de variante.
Is resurtados s’abetant intre 7/10 dies. Atentzione de is espertos pro s’epitzentru agatadu in Trinidade de Agultu e iscasiddadu durante is ripresas su film Disney “Sa Sirenetta”, chi fiat girendesi in custas dies tra Casteddu Sardu e Figari.
Finas a custu mangianu is positivos ufitziales fiant 15, dòighi de custos faghent parte de sa troupe Disney. Unu de issos est ricoveradu in su repartu Maladias infetivas de s’Aou de Tàtari. Is àteros sunt in isulamentu in us istruturas turìsticas intre Trinidade de Agultu e Ìsula Ruja. Sunt istados fatos in prus de 150 tampones tra is cuntatos diretos de is contagiados, de is cales non si tenent galu totu is resurtados
Dòighi is casos variante indiana, prus unu casu de nigeriana in su sud Sardigna delineadu dae su diretore de su laboratòriu de anàlisi chìmicu-clìnicas e microbiologia de s’Aou de Casteddu Ferdinando Coghe.
Sa situatzione pro s’ora diat èssere suta controllu, non si tratat de un’epitzentru significativu. A custu cuadru si devet agiùnghere unu problema in su nord Sardigna acapiadu a unu bolu bènnidu dae su Regnu Unidu. S’Azienda ospedaliera universitària at invitadu totu a sa màssima prudèntzia.
Is espertos ispiegant chi ant a èssere semper prus importantes e detzisivos is controllos fatos in intrada mescamente dae is Paisos cun fogos de infetzione o acanta dd’at intzertesa subra su cuadru epidemiològicu.
In prus paris cun is controllos in portos e aeroportos est importante su tratzamentu de is positivos pro reduire o torrare a zero sa tzirculatzione de su virus. In s’Ìsula pro como sa difusione prus manna de su virus est acapiada a sa variante inglesa, agatada in 35 de is ùrtimos baranta secuentziamentos.
Attività realizzata col contributo della Regione Sardegna – IMPRENTAS 2020-2021. LR 22/2018, art. 22”