Si sighit a indagare a pitzu de tragèdia de su Mottarone, cun is incuirentes chi no escludent sa possibilidade de iscrìere àteras persones in su registru de is indagados a pustis de su firmu de is tres responsàbiles de sa funivia: eris, su 27 de maju, un’ispetzione noa e su secuestru de s’iscàtula niedda.
Su 23 de maju in sa cabina fiant presentes 15 persones: 13 sunt mortas in deretura, 2 pipios de 6 annos, pro more de is feridas graes, sunt istados leados cun s’elisucursu de su 118 in còdighe ruju a s’Ispidale Regina Margherita de Torinu. A note unu de is pipios s’est mortu, faghende lòmpere a 14 su nùmeru de is vìtimas totales. S’àteru pipiu est galu in prògnosi riservada.
Eitan, ùnicu subravìvidu a s’istrage però, immoe est cussente, e est preguntende de su babbu e de sa mama, mortos in s’intzidente. A costadu suo ddoe est sa tzia chi no ddu lassat unu mamento.
Oe ddoe, in sa provìntzia de Bari, ddoe ant a èssere is interros de Roberta e Angelo a Triggiano.
Su capu servìtziu de s’impiantu de sa funivia de su Mottarone, Gabriele Tadini, in “Registru Giornale” acanta ogna die andant signalados is possìbiles problemas tècnicos, aiat decraradu su farsu, faeddende de “èsitu positivu de is controllos”, prus che totu pro su funtzionamentu de is frenos.
Si pensat chi apant fatu su pròpiu manìgiu siat su 22 e siat 23 de maju, est a nàrrere sa die matessi de sa tragèdia, cando sa cabina nùmeru 3 nch’est calada a terra pro more de sa segadura de sa fune chi fiat tirende∙dda.
Segundu sa Procura de Verbania, Tandini no at singialadu su problema mancari dae sa cabina chi s’intendet cando ddoe tenet una pèrdida de pressione in is frenos, chi si repitiat ogni duos-tres minutos.
Custu particulare nd’est essidu a campu dae sa rechesta de custòdia cautelare in càrtzere firmadu dae su procuradore de Verbania, Olimpia Bossi, e dae su pm Laura Carrera pro Tadini, pro su titulare de sas Ferrovias de su Mottarone, Luigi Nerini, e pro su diretore de esertzìtziu Enrico Perocchi, totus acusados de omissione dolosa de cautelas agravada dae su disastru, pro cuddas furchiddas rujas collocadas i modu de disativare is frenos difetosos.
Attività realizzata col contributo della Regione Sardegna – IMPRENTAS 2020-2021. LR 22/2018, art. 22”