51 is persones denuntziadas, 451 is repertos archeològicos cuberados, 9 sas istruturas turìsticu-ritzetivas e residentziales secuestradas pro reatos ambientales e paesagìsticos, pro unu totale de diversos milliones de èuros. Custos sunt solu una pariga de is nùmeros de s’atividade operativa chi su Nùcleu Carabineris Tutela Patrimòniu Culturale de Casteddu, paris cun is àteros cumponentes territoriales de s’Arma e de àteros Repartos ispetzializados, at acumpridu in Sardigna in su 2019.
Tra is operatziones prus importantes, totus coordinadas dae sa Procura de sa Repùblica acanta su Tribunale de Casteddu, si signalant:
– su secuestru de 27 òperas farsas atribuidas a s’artista cuntemporànea “Maria Lai”. Pro more de dimustrare sa contrafatzione determinante est istada sa collaboratzione cun su Repartu Investigatziones Sientìficas Carabineris de Casteddu chi at fatu anàlisi cumparativas mertzeològicas (in is materiales) e grafològicas (in is firmas de s’autore) tra sas òperas secuestradas e cussas autènticas postas a disponimentu dae s’Archìviu de s’artista; duas is persones denuntziadas pro contrafatzione de òperas de arte;
– su secuestru preventivu de 52 domos mòbiles cun relativas pertenèntzias e infrastruturas e de totu s’àrea a s’internu de su “Tiliguerta Camping Village” de Murera (CA), chi faghet craru in sa marina de “Costa Rei”. Chimbe is persones denuntziadas pro violatziones urbanìsticas, paesagìsticas e abusu de ufìtziu;
– su secuestru preventivu de 78 istruturas ritzetivas mòbiles (74 domos mòbiles e 4 bungalows-tenda) cun relativas infrastruturas e àreas birdes de pertenèntzia de su “Tonnara Camping”, chi aprontat in sa famada marina de “Cala Sabone” in sa costa otzidentale de s’ìsula de Santu Antiogu.
Custos resurtados sunt istados segudados gràtzias a sa sinergia operativa cun sa Subrintendèntzia Archeològica, Bellas Artes e Paesàgiu de Casteddu e cun su 11° Nùcleu Elicòteros Carabineris de Su Masu chi, cun is aeroplanos suos, at contribuidu in manera a fàghere iscollire, pro mèdiu de is bòlidos in s’àrea interessada, is crititzidades cumproadas.
Tres is persones denuntziadas pro is reatos de “òperas fatas in ausèntzia de su tìtulu abitativu bàlidu” e “lotizatzione abusiva”.
UNU BILANTZU DE SU 2019
De s’anàlisi de sa faina criminale chi interessat su setore de su patrimòniu culturale, fata cumparende is datos istatìsticos de su 2019 cun cussos de s’annu prima relativos a totu sa regione, nde essit a campu:
– un’ismenguamentu mannu de is furas de benes culturales (dae 8 a 3), datu tra is prus bassos a livellu natzionale;
– un’aumentu de is iscavos clandestinos (de 2 a 4);
– un’ismenguamentu cunsighente de is ogetos furados (de 1.729 a 10);
– su nùmeru de is denuntziados pro reatos chi pertocant sa matèria de is benes culturales sunt prus a mancu in lìnia cun cussu de su 2018 (de 52 a 51);
– ismenguamentu de repertos archeològicos cuberados (de 1.209 a 451);
– ismenguamentu de òperas farsas secuestradas (de 80 a 27);
– un’aumentu de is istruturas turìsticas/residentziales secuestradas pro reatos chi interessant is abusivismos edilìtzios/paesagìsticos (dae 0 a 9).
Casteddu, secuestradas 27 òperas farsas atribuidas a s’artista Maria Lai
