S’importu de custu màrchiu est fundamentale pro ite totu su tziclu de produtzione de is produtos Igp depet acontèssere in unu territòriu limitadu e bene marcadu, est a nàrrere in Ogliastra.
Duos milliones de cunfetziones de culurgiones ogiastrinos sunt prontos a mòvere a sa conchista de totu su mundu s’annu chi benit. E dd’ant a fàghere cun su màrchiu IGP, indicatzione geogràfica protèghida, tzertificadu de garantzia de su produtu pro totus sos consumadores. S’aprovatzione de su màrchiu a pro manu de s’Unione Europea arribbat a pagas dies de sa festa manna chi s’at a fàghere in Lanusè su 1 su 2 de mese de idas dedicada pròpiu a is Culurgiones.
«Custu logu at a cunsentire de comunicare a totus chi nche tenet unu logu in Europa, in Itàlia, in Sardigna, de su cale fotzis prima non totus connoschiant s’esistèntzia, ue si produet una pasta frisca cun su prenu ùnica a su mundu» ant naradu sos promotores de su comitadu in una cunferèntzia de imprenta. S’importu de custu màrchiu est fundamentale pro ite totu su tziclu de produtzione de sos prodùidos Igp depent acontèssere in unu territòriu limitadu e bene marcadu, ossiat in Ogliastra.