Mannu reconnoschimentu pro sa bidda ogiastrina de Loceri chi est intradu a fàghere parte de Burgos Autènticos de Itàlia, “una retze intre territòrios in ue protagonistas sunt is persones e is comunidades, realidades chi detzident de non s’arrèndere a su declinu e a is problemas ma chi sèberant de pònnere in giogu is risursas issoro pro creare oportunidades noas de crèschida”.
Burgos Autènticos (situ WEB ufitziale: http://www.borghiautenticiditalia.it/bai/) est una retze intre territòrios italianos in ue is protagonistas sunt is comunidades, is amministradores locales e is operadores econòmicos e culturales de is logos. Sunt realidades chi non si chèsciant de su declinu e de is problemas, chi tenent sa cunsapevolesa de tènnere risursas e oportunidades pro creare isvilupu nou; realidade chi apartenent a cudda Itàlia chi nche dda bolet fàghere.
Burgos Autènticos est un’ Assòtziu tra comunos minores chi s’impinnant in unu percursu, a bortas complessu, de megioru continu de s’istrutura urbana, de is servìtzios a is tzitadinos, de su cuntestu sotziale, ambientale e culturale.
Est una parte pitica de s’Itàlia chi agatat is motivatziones istratègicas de un’àrchidu nou de permanèntzia e isvilupu in s’identidade, in su paesàgiu, in sa cultura produtiva, in su modu de bìvere suo, in s’istòria e in is traditziones de is logos. Est una realidade chi cunsìderat sa comunidade locale comente elementu detzisivu e balore de su disinnu de s’isvilupu suo. Sa comunidade comente logu, cuntestu umanu e culturale chi est sinònimu de su bìvere sanu, de gustu, traditziones, de un’ischire fàghere creativu e de una dimensione sotziale durche; una comunidade chi s’aberit a s’esternu.
S’Assòtziu Burgos Autènticos de Itàlia est costituida dae su mese de onniasantu 2002 e su 28 martzu 2007 s’est trasformada in assòtziu costituidu cun autu pùblicu e su 2 abrile 2008, acunforma a su D.P.R. 361/2000, su Prefetu de Salerno dd’at reconnotu sa personalidade giurìdica. S’Assòtziu non persighit fines de lucru e òperat segundu finalidade mutualistiche a praghere de sòtzios suos pro promòvere s’isvilupu e sa valorizatzione de is burgos caraterìsticos italianos,est a nàrrere de is comunos s de is minores e mèdios, cumpresas is àreas rurales issoro e is fratzionas, cun riferimentu particolare a is patrimònos architetònicos, urbanos, culturales, turìsticos, sotziales e identitàrios.