S’Isportellu de sa Limba Sarda de Tortolì bolet cuncordare pro su mese de ladàmine e de onniasantu unu Cursu de Limba e Cultura Sarda.
Durante su cursu s’ant a imparare is normas ortogràficas pro iscrìere a règula su sardu. Dies e oràrios de is letziones ant a èssere detzìdias a pustis de sa regorta de is adesiones. Su cursu est abertu a is impiegados comunales, a is amministradores e a totu sa tzitadinàntzia de is biddas chi faghent parte de su progetu “Sa fortza de su bilinguismu (Annualidade 2013): Elini, Irbono, Barì, Tortolì, Lotzorai, Gelisuli.
Is mòdulos pro s’iscritzione s’agatant in is Bibliotecas Comunales de custos comunos, puru si podent iscarrigare dae su blog https://ulsogliastra.wordpress.com/. Is follos cumpilados tocat a ddos integrare a is bibliotecàrias durante is oràrios de apertura. Pro nde ischire de prus mandade una mail a s’indirìtziu de posta eletrònica ufitziulimbasardaogiastra@gmail.com o telefonade a su nùmeru 3298703517