Partetzipatzione manna pro sa festa festa diotzesana de s’ACR (Atzione Catòlica de sos Piseddos) chi s’est tenta eris in Loceri.
S’apuntamentu, lòmpidu a sa de 38 editziones, at bidu sa partetzipatzione de medas pitzocos bènnidos dae sèighi biddas de sa Diòtzesi, chi ant invàdidu sa bidda ogiastrina aboghinende e cantende faeddos de paghe e de isperàntzia.A cuncordare cust’atopu importante est istada s’Atzione Catòlica Diotzesana chi at pòdidu contare in sa collaboratzione de sos assòtzios catòlicos de sa bidda, de numerosos voluntàrios de sa Consulta giovanile, de su comitadu de Santu Bachis, de s’assòtziu culturale “La gabbia dei monelli” e de sa Comuna de Loceri.
Presente a sa manifestatzione, a parte su primu tzitadinu Roberto Uda, peri su pìscamu de Ogliastra Antonello Mura e su prèideru Don Giovanni Piroddi.