Segunda iscoberta in pagas dies in Cabras, un su montigru de Monte Prama. Custa borta is archeòlogos ant agatadu is restos de unu “pugiladore” e sa punta de unu bètile a piràmide e finas una tumba de època nuràgica galu de controllare. Sa noa de s’iscoberta est essida oe in unu giornale sardu custu mangianu.
Oe etotu totu is repertos ant a èssere leados a su magasinu de su museu tzìvicu de Cabras. Su montigru de Monti Prama duncas sighit a nos dare àteras sorpresas e sena duda is ispantos non sunt galu agabbados, ma ant a sighire.