S’Assòtziu Ogiastra Informa, in ocasione de Sa Die de Sa Sardigna, aparitzat unu cuncursu destinadu a totu is istudiantes de s’Istitutu Superiore Leonardu da Vinci de Lanusè. Su cuncursu previdit sa realizatzione de unu vìdeu multimediale in sardu chi duret a su mancu unu minutu e màssimu 3 minutos. Su tema de su vìdeu at a èssere cussu de Sa Die de sa Sardigna, est a nàrrere is episòdios ispirados de sa Rivolutzione Sarda. Totu is elaborados ant a devènnere de propiedade de su sòtziu e is autores ant a dèpere segurare sa paternidade de su traballu. Is vìdeos ant a dèpere èssere ispedidos a cumentzare dae su primu de Maju finas a su 22 de Maju 2013 in custa manera: pro mèdiu de Facebook cun unu messàgiu a sa pàgina de Ogliastra InForma; a s’indiritzu mail [email protected]; a s’Assòtziu de Ogliastra InForma cun CD-ROM. Is vìdeos ant a èssere valutados dae una giuria de espertos e dae una giuria populare chi ant a giudicare su balore tècnicu e s’originalidade de s’òpera. A su binchidore at a èssere donadu unu prèmiu de € 200,00.

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22