Tenet 6 annos e a pustis de 120 dies est essidu dae su repartu de Cardiochirurgia Pediàtrica. Su piseddu fiat ricoveradu in su Policlìnicu Santa Orsola de su 25 de nadale cando est istadu netzessàriu a lu collegare a unu coro artifitziale.

Petzi duas dies a oe at retzidu sa “driving unit Excor”, aparatu adotadu, sa prima borta in Itàlia, dae s’IRCCS Policlìnicu Santa Orsola a su postu de cussos in dotatzione finas a como.

Chiara Gibertoni, Diretore Generale de s’IRCCS Policlìnicu de Santa Orsola at naradu chi su caminu tratzadu leat custos malàidos e sos familiares issoro foras de s’ispidale. In custas dies sa Regione Emìlia-Romagna at annuntziadu unu finantziamentu de 12,5 milliones de èuros pro sa creatzione de un’istrutura de acasàgiu a probe de su Policlìnicu, gestida cun su suportu de s’Assòtziu Piccoli Grandi Cuori, chi at a garantire sa  seguridade a sos pipios e una vida prus normale.

Sos coros artifitziales noos sunt meda de prus lèbios, si colat dae sos 90kg de sos s modellosbetzo a sos 9kg atuales, at decraradu in una nota  su Policlìnicu Santa Orsola: “Sos pipios, gràtzias a unu carrutzeddu, sunt autònomos e indipendentes. Sunt aparechiaduras prus manìbiles  e dotadas de baterias chi tenent meda prus autonomia, prus a mancu 7 oras e ateretantas oras cun sa riserva. Respetu a sas pretzedentes chi imbetzes netzessitaiant de una presa de currente semper a disponimentu sunt una rivoluzione de importu. Si tratat de trastos sarva-vida chi sostituint de su totu su coro: sunt formados dae una pompa mecànica chi sìmulat sas funtziones cardìacas”.

In s’Unidade operativa de Cardiochirurgia pediàtrica de s’IRCCS, dirìgida dae su professore Gaetano Gargiulo, a su presente b’at chimbe pipios cun patologias cumplessas chi recherent s’impreu de unu coro artifitziale chi immoe ant a retzire s’istrumentatzione noa. S’investimentu est de prus a mancu 90.000 èuros a s’annu pro cada malàidu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22